ពាក្យមួយឃ្លាដែលគេលើកឡើងថា “អ្នករៀនបានខ្ពស់មិនប្រាកដថានឹងក្លាយជាអ្នកមាន ហើយអ្នកក្លាយជាអ្នកមានមិនប្រាកដថាជាអ្នករៀនបានខ្ពស់” ពិតជាមិនខុសនោះទេ ពោលគឺក្រៅពីការអប់រំ ឬចំណេះដឹង នៅមានកត្តារួមផ្សំជាច្រើនទៀតដែលអាចឱ្យយើងក្លាយជាអ្នកមានបាន។
ជាក់ស្តែង មានបុគ្គលល្បីៗជាច្រើនដែលមិនបានរៀនឱ្យចប់ថ្នាក់ត្រឹមត្រូវ តែពួកគាត់បែរជាអាចក្លាយជាអ្នកមាន និងល្បីបាន។ ខាងក្រោមនេះសុទ្ធតែជាអ្នកដែលមិនបានរៀនចប់ថ្នាក់ តែបានក្លាយខ្លួនជាអ្នកមាន និងល្បីល្បាញ៖
១៥. Charlize Theron
តារាសម្តែងស្រីម្នាក់នេះបានសម្រេចចិត្តបោះបង់ការសិក្សា ហើយមកចាប់យកអាជីពជាតារាសម្តែងតាំងតែពីនៅរៀនម្ល៉េះ។ ក្រៅពីមានឈ្មោះបោះសម្លេងក្នុងអាជីពសម្តែង Charlize Theron ក៏ជាប់ជាតារាស្រីដែលមានភ្នែកស្រស់ស្អាតជាងគេផងដែរ។
១៤. Arnold Schwarzenegger
គ្រប់គ្នាពិតជាធ្លាប់ស្គាល់តារាសាច់ដុំដែលធ្លាប់គ្រងមេដាយអូឡាំពិកជាច្រើនលើក និងជាបុរសរដ្ឋកាលីហ្វ័រញ៉ារបស់សហរដ្ឋអាមេរិក។ Arnold បានសម្រេចចិត្តបោះបង់ការសិក្សាចោល ដោយទៅឈោងចាប់យកការហ្វឹកហាត់សាច់ដុំ។
១៣. Gisele Bundchen
តារាបង្ហញម៉ូតជាតិប្រេស៊ីលម្នាក់នេះបានបោះបង់ការសិក្សាតាំងតែពីនៅអាយុ១៤ ឆ្នាំម្ល៉េះ ព្រោះនាងបានសម្រេចចិត្តបន្តដំណើរក្នុងពិភពបង្ហាញម៉ូតរបស់នាង ហើយក៏ប្រទះភាពជោគជ័យរហូតមក។
១២. Marlon Brando
តារាសម្តែងអាមេរិកចូលនិវត្តិដែលបានស្លាប់កាលពីឆ្នាំ២០០៤ ម្នាក់នេះរៀនមិនបានចប់ថ្នាក់វិទ្យាល័យទេ។ តែគាត់មិនខ្វល់ច្រើននឹងរឿងនេះ ហើយក៏គូសវាសផ្លូវដើរក្នុងវិថីជំនួញមួយប្រកបដោយជោគជ័យ។
១១. Nicolas Cage
រៀនមិនបានចប់ថ្នាក់វិទ្យាល័យនឹងគេទេ តែបែរជាមានភាពជោគជ័យយ៉ាងខ្លាំងក្នុងអាជីពសម្តែងរបស់ខ្លួន។
១០. Tom Cruise
រៀនមិនចប់ថ្នាក់ទី៦ ផង តែ Tom Cruise បានត្រួសត្រាយផ្លូវរហូតដល់បានក្លាយជាតារាសម្តែង និងផលិតករដ៏ល្បី និងត្រូវគេទទួលស្គាល់នៅជុំវិញពិភពលោក។ ក្រៅពីនេះ គាត់ក៏ស្ថិតក្នុងចំណោមអ្នកដែលមានឈ្មោះក្នុងបញ្ជីតារាហូលីវូដដែលមានទ្រព្យសម្បត្តិច្រើនជាងគេបំផុតផងដែរ។
៩. Cameron Diaz
ទោះមិនមានប្រវត្តិនៃការសិក្សាល្អដូចគេក៏ពិតមែន តែ Cameron Diaz ជាតារាបង្ហាញម៉ូត ជាផលិតករ និងជាតារាសម្តែងស្រីដ៏មានប្រជាប្រិយភាព និងលេចធ្លោម្នាក់នៅអាមេរិក។
៨. Jim Carrey
ទទួលស្គាល់ខ្លួនឯងថាជាអ្នកដែលមិនបានរៀនសូត្រច្រើនដូចគេ តែ Jim Carrey ម្នាក់នេះពោរពេញដោយទេពកោសល្យ។ ក្រៅពីជាតារាសម្តែងម្នាក់ លោកក៏ជាផលិតករ អ្នកអារម្មណ៍និយម និងក៏ជាអ្នកសរសេរប្លង់សម្តែងផងដែរ។
៧. Johnny Depp
ម្ចាស់ពាន Golden Globe Award រូបនេះមិនដែលចូលសាលាទេ តែពេលនេះគាត់ជាតារាហូលីវូដដ៏ជោគជ័យម្នាក់។
៦. Katy Perry
ស្រីស្រស់ម្នាក់នេះរៀនមិនបានចប់ថ្នាក់វិទ្យាល័យនោះទេ តែពេលនេះបានក្លាយខ្លួនជាតារាចម្រៀង ហើយក៏ជាអ្នកនិពន្ធបទចម្រៀងដ៏ជោគជ័យម្នាក់ផងដែរ។ នាងថែមទាំងត្រូវបានជ្រើសជាឯកអគ្គរាជទូតសុឆន្ទៈរបស់អង្គការ UNICEFF ថែមទៀតផង។
៥. Jessica Simpson
រៀនមិនចប់ថ្នាក់ តែបានវិវឌ្ឍខ្លួនទៅជាតារាសម្តែងស្រីដ៏ល្បី ជាតារាចម្រៀង និងជាអ្នកនិពន្ធបទចម្រៀងផងដែរ។ ក្រៅពីនេះ នាងមានទាំងក្រុមបង្ហាញម៉ូត និងផលិតផលកែសម្ផស្សផ្ទាល់ខ្លួនថែមទៀតផង។
៤. Keanu Reeves
រៀនមិនចប់ថ្នាក់ តែជ្រើសផ្លូវផ្សេងមួយដើររហូតដល់បានក្លាយខ្លួនជាតារាសម្តែងដ៏ជោគជ័យ ផលិតករ និងជាតន្ត្រីករដ៏ល្បីម្នាក់របស់កាណដា។
៣. Mark Wahlberg
រៀនមិនបានចប់ថ្នាក់ត្រឹមត្រូវមែន តែពេលនេះគាត់ជាអធិរាជរបស់ពិភពកម្សាន្តអាមេរិក និងជាផលិតករ តារាបង្ហាញម៉ូត តារាសម្តែង តារាចម្រៀងរ៉ែប និងមាននាទីជាច្រើនផ្សេងទៀត។
២. Simon Cowell
ឈប់រៀនតាំងតែពីនៅថ្នាក់វិទ្យាល័យ តែបានជ្រើសយកអាជីពមួយទៀតរហូតដល់ក្លាយខ្លួនជាប្រធានក្រុមហ៊ុនកម្សាន្តដ៏ធំមួយរបស់អង់គ្លេស។ ពេលនេះនរណាៗក៏ស្គាល់លោកចៅក្រម Simon Cowell ក្នុងកម្មវិធីកម្សាន្តនានារបស់អង់គ្លេសដែរ។
១. Richard Branson
ដោយសារតែរៀនមិនចេះ លោក Richard Branson ក៏សម្រេចចិត្តឈប់រៀនតែម្តង។ ការព្យាយាម និងការតាំងចិត្តខ្ពស់ធ្វើឱ្យគាត់រកឃើញភាពជោគជ័យយកទៅវេចខ្ចប់ភាពបរាជ័យកាលពីវ័យក្មេងរបស់គាត់បាន ដោយពេលនេះគាត់មានក្រុមហ៊ុនរណប ៤០០ ស្ថិតក្រោមការគ្រប់គ្រងរបស់ក្រុមហ៊ុន Virgin Group របស់គាត់។