អាជីវកម្ម

គន្លឹះ​​គ្រប់គ្រង​ពេល​វេលា​ឲ្យ​មាន​ប្រសិទ្ធភាព​ ទោះ​ស្ថិត​នៅ​ក្រោម​សម្ពាធពីការងារ

ការ​គ្រប់គ្រង​ពេល​វេលា​ គឺ​ជា​ជំនាញ​សំខាន់​បំផុត​ ដែល​ត្រូវការ​ដើម្បី​អភិវឌ្ឍ​នៅ​ក្នុង​ជីវិត ​ប្រកប​ដោយ​ប្រសិទ្ធភាព។ ហើយ​វា​ក៏​ធ្វើ​ឲ្យ​ខ្លួនឯង​កាន់​តែ​សម្រេច​គោលដៅ ​និង​គោលបំណង​ដែល​បាន​កំណត់​នៅ​កន្លែង​ធ្វើការ។ អត្ថបទខាងក្រោមនេះនឹង​រក​ឃើញ​យុទ្ធសាស្ត្រ​គ្រប់គ្រង​ពេល​វេលា​ ដែល​មាន​ប្រសិទ្ធភាព​មិនខាន ៖

១. ធ្វើ​សវនកម្ម​ពេល​វេលា

ត្រូវ​រក​កន្លែង​ដែល​អ្នក​ចំណាយ​ពេល​ភាគច្រើន ​និង​អ្វី​ដែល​សម្រេច​បាន​ក្នុង​ពេល​ជាក់លាក់ មួយ​នោះ។ តាម​ដាន​រាល់​សកម្មភាព​ខ្លួនឯង ​រយៈពេល​មួយ​សប្ដាហ៍​ ហើយ​វាយ​តម្លៃ​ដើម្បី​ស្វែង​រក​ផ្នែក​ដែល​ត្រូវការ​ការ​កែលំអ។

ផ្ដល់​អាទិភាព​ដល់​ការងារ​របស់​អ្នក ​ស្រប​តាម​ទម្ងន់​និង​សារៈសំខាន់​ដែល​ភារកិច្ច​នីមួយៗ​មាន។ កិច្ចការ​ណា​សំខាន់​និង​ធ្ងន់​បំផុត ​គួរ​តែ​ត្រូវ​បាន​អនុវត្ត​ជា​មុន​ ដូច្នេះ​អ្នក​អាច​បន្ធូរ​អារម្មណ៍​នឹង​អាច បំពេញ​ភារកិច្ច​មិន​សូវ​សំខាន់​បន្ទាប់​បាន។

២. រៀបចំ​សម្រាប់​ការ​ប្រជុំ​ជាមុន

ពេល​ទៅ​ប្រជុំ​ត្រូវ​ច្បាស់​ក្នុង​ចំណុច​ដែល​ត្រូវ​ដោះស្រាយ ​ក្នុង​ការ​ប្រជុំ ។ វានឹង​ជួយ​សន្សំ​ពេល​វេលា​ដ៏​មាន​តម្លៃ​ ដែល​អ្នក​អាច​ប្រើ​ក្នុង​ការងារ​ផ្សេងទៀត។

បន្ថែម​លើ​នេះ ​សូម​ចែក​រំលែក​របៀប​វារៈ​ប្រជុំ​ជាមួយ​មិត្ត​រួម​ការងារ ​និង​អ្នក​ក្រោម​បង្គាប់​របស់​អ្នក។ វា​ក៏​ជា​ចំណែក​មួយ ​​ជួយ​ធ្វើ​ឱ្យ​ពួកគេ​ដឹង​អំពី​ប្រធានបទ​ដែល​នឹង​ត្រូវ​ពិភាក្សា​នៅ​ក្នុង​កិច្ចប្រជុំ។

៣. កំណត់​ពេល​វេលា

មុន​ពេល​ចាប់ផ្ដើម​បំពេញ​ភារកិច្ច​ ត្រូវ​ប្រាកដ​ថា ​អ្នក​កំណត់​ពេល​វេលា​សម្រាប់​ការងារ​ពិសេស​នោះ។ វា​នឹង​​​ឲ្យ​អ្នក​ដឹង​ថា ​តើ​អាច​ចំណាយ​ពេល​ប៉ុន្មាន ​ដើម្បី​បញ្ចប់​ភារកិច្ចមួយនោះ។

៤. រៀបចំ​ផែនការ​ប្រចាំ​សប្ដាហ៍

រៀបចំ​ផែនការ​របស់​អ្នក​នៅ​ថ្ងៃ​អាទិត្យ​ ដើម្បី​ដឹង​ពី​បរិមាណ​ការងារ​ខ្លួនឯង។ ធ្វើ​ផែនការ​ណាមួយ​ទាក់ទង​នឹង​សកម្មភាព ​ដែល​អ្នក​ត្រូវ​បាន​ចាត់តាំង​ ដើម្បី​កុំ​ឲ្យ​ភ្លេច។

បន្ទាប់​ពី​បញ្ចប់​ភារកិច្ច​ សូម​គូស​ចំណាំ​អ្វី​ដែល​បាន​ធ្វើ។ វា​ក៏ជាចំណែកមួយ ​ធ្វើ​ឲ្យ​មាន​ភាព​ងាយស្រួល ​ហើយ​អ្នក​នឹង​បាន​ប្រសើរ​ជាង​មុន​ អំពី​ពេល​វេលា​ដែល​អ្នក​ត្រូវ​ការ ​ដើម្បី​បំពេញ​ការងារ​ផ្សេង​ទៀត។

៥. បង្កើត​ផែនការ​ប្រចាំថ្ងៃ

មុន​ពេល​ចាប់ផ្ដើម​ជាមួយ​ទម្លាប់​ប្រចាំថ្ងៃ​​ សូម​ចំណាយ​ពេល​ពីរបី​នាទី​ដើម្បី​គូស​បញ្ជាក់​ពី​ភារកិច្ច​ ដែល​ត្រូវ​តម្រង់​ជួរ​ សម្រាប់​ថ្ងៃ​នេះ។ វា​ជួយ​​ឲ្យ​អ្នក​ដឹង​ពី​ពេល​វេលា​ដែល​អ្នក​អាច​ចំណាយ​លើ​ការងារ​នីមួយៗ។ លើស​ពី​នេះ​ទៅ​ទៀត​ ការ​ដឹង​ពី​ពេល​វេលា​ នឹង​ជួយ​​ឲ្យមាន​កម្លាំង​ចិត្ត​សម្រាប់​ថ្ងៃ​នីមួយៗ ​ហើយ​អាច​អនុវត្ត​បាន​ល្អ​ជាង​មុន​ថែមទៀត។

៦. បិទ​រាល់​គ្រប់យ៉ាង​ដែល​រំខាន​ការងារ

នៅ​ពេល​ធ្វើ​ការងារ​ដែល​ប្រញាប់ ​ឬ​បន្ទាន់ ​ត្រូវ​ប្រាកដ​ថា ​អ្នក​បាន​បិទ​រាល់​សំឡេង​​រំខាន នៅ​ក្នុង​ស្មាតហ្វូន​និង​កុំព្យូទ័រ​យួរ​ដៃ​របស់​អ្នក។ នៅ​ពេល​ដែល​ធ្វើ​កិច្ចការ​ងារ​ច្រើន យើង​កំពុង​បែងចែក​ការ​យក​ចិត្ត​ទុក​ដាក់​ទៅ​ក្នុង​កិច្ចការ​ជា​ច្រើន បើ​មាន​សំឡេង​រំខាន ​យើង​ក៏​អាច​មិន​អាច ​សមាធិ​ជាមួយ​ការងារ​បាន​ឡើយ៕

Related posts
អាជីវកម្ម

តើសេដ្ឋីភាគច្រើនគិតយ៉ាងណានៅក្នុងជីវិត និង ការងារ?

អាជីវកម្ម

ហេតុផល៥យ៉ាងដែលអ្នកគួរអនុវត្តន៍ដើម្បីទទួលភាពជោគជ័យក្នុងអាជីព

អាជីវកម្ម

មហាសេដ្ឋីលំដាប់កំពូលប្រទេសថៃទាំង៥រូប ដែលមានទ្រព្យពាន់លានដុល្លារ

អាជីវកម្ម

អ្នកមិនត្រូវធ្វើការអោយគេរហូតនោះទេ តែអ្នកត្រូវចាប់ផ្ដើមសិក្សាពីការរកស៊ីនាពេលនេះទៅ

Leave a Reply

Your email address will not be published. Required fields are marked *