ប្រវត្តិបុគ្គលល្បីៗ

ប្រវត្តិ និង ដំបូន្មានអប់រំកូនល្អៗរបស់ភរិយាប្រធានាធិបតីចិន លោក ស៊ី ជីងពីង អ្នកស្រី Peng Liyuan

មេដឹកនាំខ្លាំងៗដែលបានដឹកនាំពិភពលោក ពួកគេតែងតែមានស្ត្រីដែលជាភរិយាដែលមានសម្តភាពមិនធម្មតាដូចគ្នាដែរ ដែលឈរពីក្រោយក្នុងការដឹកនាំរបស់ស្វាមី។ តែពេលនេះយើងសូមធ្វើការបង្ហាញពីភរិយារបស់​ប្រធានាធិបតីចិនលោក Xi Jinping នោះគឺលោកស្រី Peng Liyuan ដែលជា​តារា​ចម្រៀង​បុរាណ​ដ៏​មាន​ប្រជាប្រិយ និង​ជាលោកស្រីទី១របស់ប្រធានាធិបតី​ចិនផងដែរ។

ទោះបី​ជា​លោកស្រី Peng Liyuan ទទួល​បាន​ការ​គាំទ្រ ​និង ​ស្គាល់​ពី​ជុំវិញ​ពិភពលោក បន្ទាប់ពី​ស្វាមីលោក Xi Jinping បាន​ក្លាយ​ជា​ប្រធានាធិបតីចិន​ក៏ដោយ ប៉ុន្តែ​អាជីព​ច្រៀង​របស់​លោកស្រី​ទៅវិញទេ​ដែល​បាន​ធ្វើ​ឲ្យលោកស្រីបាន​ក្លាយ​ជា​តារាកំពូល និង​ ជា​បុគ្គល​ល្បីល្បាញុម្នាក់។

ជីវិតដំបូង និង ការសិក្សា

លោកស្រី Peng Liyuan បានកើតនៅថ្ងៃទី ២០ ខែវិច្ឆិកា ឆ្នាំ១៩៦២ នៅក្រុង Linyi ប្រទេសចិន។ បើនិយាយពីជីវិតគ្រួសាររបស់លោកស្រីគឺពុំសូវមានអ្នកដឹងពីប្រវត្តិគ្រួសាររបស់លោកស្រីច្បាស់នោះទេ លើកលែងតែការពិតមួយដែលថាគ្រួសារនេះត្រូវបានគេធ្វើទុក្ខបុកម្នេញក្នុងកំឡុងបដិវត្តវប្បធម៌នាឆ្នាំ ១៩៧៦។ ប្រភព​ផ្សេងៗបាននិយាយ​ថា ឪពុក​លោកស្រី​ត្រូវបានគេចោទថាជាជនបដិវត្ត​ប្រឆាំង ពីព្រោះ​សាច់ញាតិ​ខ្លះ​របស់​ពួកគេ​បាន​បម្រើ​ក្នុង​ជួរ​កងទ័ព​តៃវ៉ាន់។

នៅអាយុ ១៤ ឆ្នាំ​លោកស្រី Peng Liyuan បាន​ចុះ​ឈ្មោះ​ចូល​រៀន​នៅ​សាកលវិទ្យាល័យ​សិល្បៈ សានទុង (Shandong) និង​ ទទួល​បាន​ការ​បណ្ដុះបណ្ដាល​វិជ្ជាជីវៈ​ផ្នែក​សិល្បៈ​បុរាណ ដោយ​ហាត់​ជំនាញ​ខាង​ចម្រៀង​បុរាណ​ចិន។

See the source image

ជីវិតក្នុងអាជីពការងារ

នៅ​អាយុ ១៨ ឆ្នាំ នាទសវត្សរ៍ ១៩៨០ លោកស្រី Peng Liyuan បាន​ចូលរួម​ជាមួយ​កងទ័ព​រំដោះ​ប្រជាជន​ក្នុង​នាម​ជា​ទាហាន​ម្នាក់។ ដោយសារ​តែមានទេពកោសល្យខាងច្រៀង មិនយូរ​ប៉ុន្មាន​លោកស្រី​ចាប់ផ្ដើម​សម្ដែង​នៅខ្សែរ​ជួរមុខ ដើម្បី​លើកម្ពស់សុជីវធម៌របស់កងទ័ព។ ក្នុងពេល​ជាមួយគ្នានេះ លោកស្រី​បានក្លាយជាមនុស្សម្នាក់ក្នុងចំណោមមនុស្ស​ដំបូង​គេ​នៅ​ប្រទេស​ចិន​ដែល​ទទួល​បានសញ្ញាប័ត្រអនុបណ្ឌិតផ្នែកតន្ត្រីជនជាតិដើម។ ប៉ុន្មានឆ្នាំ​បន្ទាប់​លោកស្រី​បាន​ចេញទៅសម្តែងនៅឯបរទេសដូចជា ញូវយ៉ក តូក្យូ និង​វីយែន។

See the source image

ការ​ចាប់ផ្ដើម​អាជីព​ដំបូងៗ លោកស្រី Peng Liyuan ជាអ្នក​ចម្រៀង​សម្រាប់​បក្សកុម្មុយនីស្ត។ លោកស្រី​បង្ហាញខ្លួនជាញឹកញាប់នៅលើកញ្ចក់ទូរទស្សន៍រដ្ឋ និងច្រៀងចម្រៀងឃោសនា។ ដោយសារ​ហេតុផល​នេះ បទចម្រៀង​ប្រមាណជា ៩០% និយាយ​អំពី​គោលការណ៍​បក្ស​និង​មនោគមវិជ្ជា ហើយ​នៅ​សល់ពី​នោះ​ជា​ចម្រៀង​កម្សាន្ត​ធម្មតា។

លោកស្រីបានក្លាយជាសមាជិកស៊ីវិលនៃកងទ័ពរំដោះប្រជាជនចិននិងបានកាន់ឋានៈស៊ីវិលស្មើនឹង​ឧត្ដមសេនីយ៍​មុន​ពេល​ខ្លួន​ត្រូវ​បាន​តែងតាំង​ជា​ព្រឹទ្ធបុរសនៃបណ្ឌិត្យសភាសិល្បៈ។ បន្ទាប់ពីរៀបការជាមួយលោក Xi Jinping លោកស្រីក៏មិន​បាន​បោះបង់​ចោល​អាជីព​ចម្រៀង​របស់​ខ្លួន​ដែរ។

ក្រោយពីរៀបការរួចភ្លាម លោកស្រីបានត្រឡប់ទៅទីក្រុងប៉េកាំង ដើម្បី​បង្ហាញ​ខ្លួន​នៅ​ក្នុង​មហោស្រព​សិល្បៈ​ជាតិ។ បន្ទាប់ពី​នោះ​ទៀត លោកស្រី​បាន​ធ្វើដំណើរ​ទៅ​សហរដ្ឋអាមេរិក និង​កាណាដា​ដើម្បី​សម្ដែង​ផងដែរ។

See the source image

នៅខែវិច្ឆិកាឆ្នាំ ២០១២ លោកប្រធានាធិបតី Xi ត្រូវ​បាន​ជ្រើសរើស​តាំង​ជា​អគ្គលេខាធិការ​បក្សកុម្មុយនិស្ត រីឯ​លោកស្រី Peng ជាលេខាធិការផ្ទាល់​របស់​ស្វាមី។ ឆ្នាំ​បន្ទាប់ នៅពេល​ស្វាមីត្រូវបាន​ជាប់ជា​ប្រធានាធិបតីចិន សារព័ត៌មាន​ក្នុងស្រុកបានចាត់ទុក​លោកស្រី​ថាជា “ជំទាវទី​មួយរបស់​ចិន” និង​ជា​ស្ត្រី​ដែល​នៅ​តែ​រក្សា​បាន​កេរ្តិ៍ឈ្មោះ​វិជ្ជមាន​នៅ​ក្នុង​ប្រទេស​នេះ។

បន្ទាប់ពីក្លាយជាជំទាវទីមួយរបស់ចិន អាជីពច្រៀងបានថមថយចុះបន្តិច ដោយភរិយាប្រធានាធិបតីរូបនេះឡើងច្រៀងសម្រាប់តែព្រឹត្តិការណ៍នយោបាយទ្រង់ទ្រាយធំប៉ុណ្ណោះ។ ក្នុងនោះលោកស្រីក៏បង្ហាញខ្លួនមិនសូវជាញឹកញាប់នៅក្នុងទូរទស្សន៍រដ្ឋដែរ។

Peng Liyuan ជាស្រ្តីម្នាក់ដែលចូលរួមយ៉ាងសកម្មនៅក្នុងឆាកនយោបាយ។ លោកស្រីគឺជាសមាជិកនៃគណៈកម្មាធិការជាតិលើកទី ១១ នៃសន្និសីទពិគ្រោះយោបល់នយោបាយប្រជាជនចិន។ លើសពីនេះទៀត ចាប់តាំងពីឆ្នាំ ២០១១ លោកស្រីគឺជាឯកអគ្គរដ្ឋទូតសុច្ឆន្ទៈរបស់អង្គការសុខភាពពិភពលោកដោយផ្សព្វផ្សាយការយល់ដឹង​អំពីជំងឺ​របេងនិងអេដស៍។ លោកស្រីក៏ជាឯកអគ្គរដ្ឋទូត​នៃសមាគមចិនស្តី​ពីការ​គ្រប់គ្រង​ថ្នាំជក់​ផងដែរ។

ពានរង្វាន់ និង សមិទ្ធិផល

ក្នុងខែធ្នូ ឆ្នាំ ២០១១ ជំទាវទីមួយរូបនេះ ក្លាយជាមនុស្សម្នាក់ក្នុងចំណោមមនុស្ស ២៣ នាក់ដែលទទួលបានពានរង្វាន់សិល្បៈចិនដំបូង និង រង្វាន់ទឹកប្រាក់ ១ លានយ័ន (១៥៩ ៨០០ ដុល្លារ) ។

ក្នុងខែវិច្ឆិកា ឆ្នាំ ២០១៤ លោកស្រីបានទទួលងារបណ្ឌិតកិត្តិយសពីសាកលវិទ្យាល័យ Massey ក្នុងប្រទេសនូវែលហ្សេឡង់ ក្នុងការទទួលស្គាល់ការចូលរួមចំណែកជាអន្តរជាតិរបស់លោកស្រីក្នុងការសម្តែងសិល្បៈ សុខភាព និង ការអប់រំ។ ក្នុងឆ្នាំ ២០១៤ ទស្សនាវដ្តី Forbes បានចុះបញ្ជីលោកស្រី ជាស្ត្រីមានឥទ្ធិពលបំផុតទី ៥៧ នៅលើពិភពលោក ។

ជីវិតផ្ទាល់ខ្លួន

លោកស្រី Peng Liyuan ស្គាល់លោក Xi Jinping តាមរយៈមិត្តភក្តិ។ ការជួបគ្នា​ដំបូង ពួកគេនិយាយ​គ្នាភាគច្រើនជុំវិញការសិក្សា ដោយ​លោកប្រធានាធិបតី​បានសាកសួរពី​បច្ចេកទេស​នៃ​ការ​ច្រៀង និង ចង្វាក់ភ្លេង។ ក្រោយមកចំណងមិត្តភាព​រវាងពួកគេទាំងពីរ​បាន​ក្លាយ​ជាស្នេហា ហើយ​គូស្នេហ៍នេះបានភ្ជាប់ចំណងអាពាហ៍ពិពាហ៍នៅថ្ងៃទី ១ ខែកញ្ញា ឆ្នាំ ១៩៨៧ នៅ​ទីក្រុង Xiamen ខេត្ត Fujian ។ បច្ចុប្បន្នប្តីប្រពន្ធនេះមានកូនស្រីម្នាក់ឈ្មោះ Ximingze។

See the source image

ក្បួនអប់រំកូនរបស់ភរិយាប្រធានាធិបតីចិនលោកស្រី Peng Liyuan

លោកស្រី Peng Liyuan (ផេង លីយ័ន) ជាភរិយារបស់លោកប្រធានាធិបតីចិនលោក ស៊ី ជីនពីង។ លោកស្រី ផេង លីយ័ន គឺជាស្ត្រីមេផ្ទះម្នាក់ដែលមើលថែរ គ្រួសារនិងអប់រំកូនៗ របស់អ្នកស្រីបានយ៉ាង ល្អបំផុត ។ របៀបអប់រំកូនៗរបស់លោកស្រីពុងតែទទួលបានការ ចាប់អារម្មណ៍និងល្បីល្បាញ ទូទាំង ប្រទេសចិន និងល្បីរន្ទឺទូទាំងពិភពលោកថែមទៀតផង ។

១.កូនសម្លាញ់ត្រូវមានស្នាមញញឹម ព្រោះវាជាភាពស្រស់ស្អាត និងភាពជឿជាក់ទាំង ជាទ្រព្យដែលនៅជាប់ខ្លួនកូន ជានិច្ច។

២. ពេលនៅក្មេង កូនត្រូវមានចំណេះដឹង ពេលធំឡើងកូនត្រូវមានបទពិសោធន៍ វានឹងធ្វើឱ្យ ជីវិតកូន រីកចម្រើនយ៉ាងមានគុណភាព។ កូនត្រូវអានបទពិសោធន៍របស់អ្នកដទៃ និងស្វែងរកបទពិសោធន៍សម្រាប់ខ្លួនឯងផងដែរ។

៣.កូនត្រូវចេះបើកបរ នេះមិនពាក់ព័ន្ធទៅនឹង ដំណែងតួនាទីអ្វីទេ ព្រោះបើកូនចេះបើកបរដោយ ខ្លួនឯង កូននឹងអាចទៅគ្រប់កន្លែងដែលកូនចង់ទៅបានគ្រប់ពេលវេលា ដោយមិនបាច់សុំអង្វរ អ្នកណាឡើយ។

៤.កូនត្រូវមានចិត្តទូលាយ កូនដឹងទេថា កូនទុកដានជើងបានឆ្ងាយប៉ុនណា ចិត្តគំនិតរបស់កូននឹងទូលំទូលាយ ប៉ុននោះដែរ។ នៅពេលចិត្តទូលំទូលាយហើយ នឹងមានក្តីសុខ ហើយបើដើរមិនបានឆ្ងាយទេ គឺឱ្យសៀវភៅជាអ្នកនាំកូនទៅ។

៥.កូនត្រូវរៀននៅមហាវិទ្យាល័យដែលមានគុណភាពល្អនេះមិនមែនរៀនដើម្បីយក គ្រេឌីតអីទេ ប៉ុន្តែក្នុងមួយជីវិតរបស់យើង យើងត្រូវឆ្លងកាត់ មហាវិទ្យាល័យឱ្យបានពី៣ទៅ៤ឆ្នាំ ដែលជាជីវិតដែលគ្មាន លក្ខខណ្ឌតវ៉ា និងជាជីវិតដែលបានអប់រំដើម្បីឱ្យមានសតិបញ្ញា និងការគិត។

៦.កុំបញ្ចេញភាពទន់ខ្សោយអោយអ្នកដទៃឃើញ បើមេឃរលំធ្លាក់ចុះមក ចូរកូនកុំចាំបាច់ស្រែកយំ និងមិនបាច់ទួញថ្ងូរទេ វានឹងធ្វើឱ្យមនុស្ស ស្រឡាញ់កូន កាន់តែឈឺចាប់ចំណែកមនុស្សដែលស្អប់កូន កាន់តែបានចិត្ត។

៧.កូនសម្លាញ់ កូនត្រូវរៀនធ្វើម្អូប នេះមិនមែនដើម្បីយកទៅប្រតិបត្តិសម្រាប់អ្នកណាឡើយ ប៉ុន្តែពេលដែលមនុស្ស ដែលស្រឡាញ់កូនមិននៅ កូនអាចរស់នៅមើលថែខ្លួនឯងបាន។

៨.កូនត្រូវមានរបៀបរៀបរយ និងមានសេចក្តីថ្លៃថ្នូរ ទោះបីហូបបាយជាមួយទឹកស៊ីអ៊ីវ ក៏ត្រូវជូនតុ និងក្រាលកំរាលឱ្យបានស្អាត ហើយអង្គុយហូបឱ្យមានរបៀប រៀបរយដែរ។ រស់នៅតាមបែបធម្មតាៗ ប៉ុន្តែត្រូវរក្សាឱ្យ មានភាពថ្លៃថ្នូរ និងសមរម្យ។

៩.កូនត្រូវមានផ្ទះមួយជារបស់ខ្លួនឯង ទោះបីត្រឹម៥ម៉ែត្រ៤ជ្រុងក៏ដោយ ព្រោះនៅពេលកូនឈ្លះ គ្នាជាមួយ មនុស្សដែលកូនស្រឡាញ់ ដល់បែកបាក់ក៏មិនដល់ថ្នាក់រកកន្លែងដេកមិនបានដែរ សំខាន់ជាងនេះ នៅពេលកូនមានចិត្ត ក្តៅ នោះក៏មានកន្លែងដែលធ្វើ ឱ្យកូនមានចិត្តត្រជាក់ វិញដែរ។

១០. មិនថានៅពេលណាទេ កូនត្រូវធ្វើជាមនុស្សដែលមានមេត្តា ត្រូវចងចាំទុកថា ការធ្វើជាមនុស្ស ចិត្តល្អ នឹងធ្វើឱ្យកូនក្លាយជាមនុស្សដែលទទួលបានការឃុំគ្រង មើលថែល្អបំផុតពីអ្នកផង និងវត្ថុស័ក្តិសិទ្ធិ ទាំងឡាយ។

១១.កូនត្រូវតែជាមនុស្សចេះសន្សំសំចៃ បើលោកនេះ នៅសល់តែទឹក២ពែង កូនត្រូវទុកមួយពែងផឹក និងមួយពែងទៀត ត្រូវទុកប្រើសម្រាប់ផ្ទៃមុខ និងខោអាវក្នុងរបស់កូន។

១២.នៅពេលដែលកូនទៅកន្លែងឆ្ងាយ កូនត្រូវចាំទុកថា ក្រៅពីយកកាមេរ៉ាថតរូបទៅជាមួយ គឺត្រូវយកប៊ិច និងក្រដាសទៅផង ព្រោះទេសភាពអាចដូចគ្នា តែអារម្មណ៍ដែលមើល ទេសភាពនោះ មិនប្រាកដថាដូចគ្នាទេ។ ស៊ីសេកគ័រ អាចក្លាយជាភូមិវិទូដ៏ល្បីរបស់ប្រទេសចិន មិនមែនដោយសារគាត់បានធ្វើដំណើរ ច្រើនបំផុតទេ ប៉ុន្តែដោយសារគាត់ បានកត់ត្រារឿងរ៉ាវ និងបទពិសោធន៍យ៉ាងល្អិតល្អន់ ពីការធ្វើដំណើររបស់គាត់បានយ៉ាងល្អ។

Related posts
ប្រវត្តិបុគ្គលល្បីៗ

ប្រវត្តិអតិតភរិយារបស់មហាសេដ្ឋីបច្ចេកវិទ្យា Bill Gate លោកស្រី Melinda Gate

ប្រវត្តិបុគ្គលល្បីៗ

មហាសេដ្ឋីវ័យក្មេង Kylie Jenner ដែលបង្កើតទ្រព្យសម្បត្តិជាង១ពាន់លានដុល្លារត្រឹមអាយុ២៣ឆ្នាំ

ប្រវត្តិបុគ្គលល្បីៗ

លោក​កាឡា​ស្នីកូវ​ អ្នក​បង្កើត​កាំ​ភ្លើង​ AK-47 ដែល​លក់​ដាច់​ជាង​គេ​បំផុត​លើ​ពិភព​លោក​

ប្រវត្តិបុគ្គលល្បីៗ

ពីកូនអ្នករាជការអណ្ដូងធ្យូងថ្ម មានមហិច្ឆិតាបង្កើតម៉ាស៊ីនអគ្គិសនីដ៏អស្ចារ្យរបស់លោក ហ្សូណូប ក្រាម

Leave a Reply

Your email address will not be published. Required fields are marked *