បណ្ដាញសង្គមអាចធ្វើអោយយុវវ័យមានការធ្លាក់ទឹកចិត្ត

ការសិក្សាមួយដែលបង្ហាញដោយ បណ្ឌិតសភាអាមេរិកផ្នែកកុមារបានបង្ហាញពីផលប៉ះពាលនៃបណ្ដាញសង្គមចំពោះកុមារ មនុស្សវ័យជំទង់ និង គ្រួសារបានលើកឡើងថា “ Facebook Depression” គឺជាកត្តាហានិភ័យមួយដែលមនុស្សវ័យជំទង់អាចប្រឈមនឹងការយកចិត្តទុកដាក់ចំពោះប្រព័ន្ធផ្សព្វផ្សាយសង្គម ចំណាយពេលវេលាច្រើនទៅនឹងហ្វេសប៊ុក បន្ទាប់មកចាប់ផ្ដើមមានអារម្មណ៍មិនសប្បាយចិត្ត មិនអាចទទួលយកបានដោយការបង្ហោះពីមិត្តភក្តិក្នុងបណ្ដាញ online។ ការធ្លាក់ទឹកចិត្តតាមហ្វេសប៊ុកអាចបណ្តាលឱ្យមានការថប់បារម្ភនិងការដកខ្លួនក៏ដូចជាទំនោរឆ្ពោះទៅរកសកម្មភាពដែលមានគ្រោះថ្នាក់ដូចជាការប្រើគ្រឿងញៀន ការរួមភេទមិនមានសុវត្ថិភាព ឬអាកប្បកិរិយាបំផ្លាញខ្លួនឯង។

ការសិក្សាក៏បានបង្ហាញដែរថា អន្តរកម្មដែលយុវវ័យទាំងនេះមាននៅលើបណ្តាញទំនាក់ទំនងសង្គមកំពុងតែកើនឡើងជាមួយនឹង ២២% នៃក្មេងជំទង់បានចូលទៅកាន់បណ្តាញសង្គមដែលពួកគេចូលចិត្តច្រើនជាង ១០ ដងក្នុងមួយថ្ងៃ។ ការសិក្សាបានលើកឡើងថាជាមួយនឹងក្មេងជំទង់ ៧៥% ដែលមានទូរស័ព្ទដៃផ្ទាល់ នេះតាមការស្រាវជ្រាវមួយផ្នែកធំនៃការអភិវឌ្ឍសង្គមនិងអារម្មណ៍របស់មនុស្សជំនាន់នេះកំពុងកើតឡើងខណៈពេលនៅលើអ៊ីនធឺណិត និង ទូរស័ព្ទដៃ។

មានរឿងជាច្រើនដែលឪពុកម្តាយអាចធ្វើដើម្បីជួយកាត់បន្ថយហានិភ័យទាំងនេះ។ ទីមួយហាមឃាត់ក្មេងអាយុក្រោម ១៣ ឆ្នាំមិនគួរលេងនៅលើហ្វេសប៊ុកទាល់តែសោះ។ តែបន្ទាប់ពីពួកគេដល់វ័យដែលអាចទំនាក់ទំនងនៅក្នុងបណ្ដាញសង្គម ដោយទាញផលប្រយោជន៍ពីការប្រើប្រាស់បណ្ដាញសង្គម និង ដឹងពីរបៀបនៃការប្រើប្រាស់ប្រព័ន្ធអ៊ីនធើណេតប្រកបដោយសុវត្ថិភាព។

ប៉ុន្តែអ្នកក៏មិនអាចដកកុំព្យូទ័រទាំងអស់នៅក្នុងផ្ទះរបស់អ្នកហើយបោះបង់សេវាកម្មអ៊ីនធឺណេតដែរ។ ការសិក្សាក៏ចង្អុលបង្ហាញពីអត្ថប្រយោជន៍នៃការប្រាស្រ័យទាក់ទងតាមបណ្តាញសង្គមរួមទាំងការអភិវឌ្ឍអារម្មណ៍របស់យុវវ័យអំពីការពង្រីកអ៊ីនធឺណេត ការសិក្សាស្រាវជ្រាវ និង តាមដានពីបញ្ហានានា ដែលបណ្ដាញសង្គមបានផ្ដល់ និងឱកាសសម្រាប់ការចូលរួមសកម្មភាពអភិវឌ្ឈន៍ក្នុងសហគមន៍។

ប្រភព៖ parenting.com