លោក Howard Schultz កើតនៅថ្ងៃទី ១៩ ខែកក្កដាឆ្នាំ ១៩៥៣ ប៊្រុគ្លីនញូវយ៉កសហរដ្ឋអាមេរិកពាណិជ្ជករអាមេរិកដែលបម្រើការជានាយកប្រតិបត្តិ (១៩៨៧–២០០០, ២០០៨–១៧) នៃស្តារឃីកដែលជាខ្សែសង្វាក់កាហ្វេដែលគាត់បានជួយផ្លាស់ប្តូរអោយមានវត្តមានទូទាំងពិភពលោក។
អតីតនាយកប្រតិបត្តិរបស់ Starbucks រូបនេះជាកូនប្រុសរបស់ឪពុកដែលជាអ្នកបើកបររថយន្តដឹកទំនិញ ប៉ុន្តែមនុស្សជុំវិញខ្លួនរបស់លោកបានជំរុញលោកតាំងពីក្មេងឲ្យជឿជាក់ថាលោកមានសមត្ថភាពក្នុងការជោគជ័យ ។ ជាលទ្ធផល លោកជាមនុស្សទីមួយក្នុងគ្រួសារដែលបានទៅរៀននៅសាកលវិទ្យាល័យ ។
ដើម្បីឆ្លងផុតសាកលវិទ្យាល័យ លោកបានធ្វើការនៅបារ លក់ឈាមរបស់លោក និងថែមទាំងខ្ចីអ្នកដទៃជាដើម ។ បន្ទាប់ពីដើរលក់ឧបករណ៍ក្នុងផ្ទះបាយ និងក្នុងផ្ទះ លោកបានទៅធ្វើការផ្នែកម៉ាឃីតធីងនៅហាងលក់កាហ្វេមួយឈ្មោះថា Starbucks ។
នៅឆ្នាំ១៩៨៣ ដោយលោកបានធ្វើដំណើរកម្សាន្តទៅកាន់ប្រទេសអ៊ីតាលី ជាកន្លែងដែលគាត់បានរកឃើញថាមានតែនៅទីក្រុង Milan ទេដែលបានបង្ហាញពីសក្ដានុពលនៃហាងកាហ្វេចំនួន ១៥០០ កន្លែង ជាហេតុដែលលោក Schultz បានប្រមើលមើលការប្រែក្លាយប្រតិបត្តិការក្នុងតំបន់ដ៏តូចមួយទៅជាខ្សែសង្វាក់កាហ្វេជាតិតាមរយៈការពង្រីកហាងយ៉ាងឆាប់រហ័ស។
ពេលនោះលោកចង់ចាប់ផ្តើមបារលក់កាហ្វេមួយ ប៉ុន្តែចៅហ្វាយរបស់លោកបដិសេធដូច្នេះលោកក៏បានយកគ្រាប់កាហ្វេរបស់ពួកគេដើម្បីចាប់ផ្តើមហាងលក់កាហ្វេប្រកួតប្រជែងមួយដោយខ្លួនឯង ។ ពីរឆ្នាំក្រោយមកនៅឆ្នាំ ១៩៨៧ លោកបានទិញ Starbucks ក្នុងតម្លៃ ៣.៨ លានដុល្លារ។
ក្រោមការដឹកនាំរបស់លោក Schultz ក្នុងរយៈពេលបួនឆ្នាំ ហាងកាហ្វេបានកើនឡើងពីហាងតិចជាង ២០ ហាង អោយកើនឡើងដល់ជាង ១០០ ហាង។ នៅឆ្នាំ ១៩៩២ គាត់បានកាន់កាប់ក្រុមហ៊ុនជាសាធារណៈ ហើយនៅចុងទសវត្សនេះ Starbuckមានទីតាំងប្រមាណ ២៥០០ កន្លែង នៅក្នុងប្រទេសប្រហែល ១២។
លោក Schultz បានប្រកាសនៅឆ្នាំ ២០០០ ថាលោកបានលាឈប់ពីតំណែងជានាយកប្រតិបត្តិ តែលោកនៅតែបន្តធ្វើជាប្រធានក្រុមប្រឹក្សាភិបាលដដែល។ នៅឆ្នាំ ២០០៧ ខ្សែសង្វាក់នេះបានបង្កើនទីតាំងជាង ១៥,០០០ ទីតាំងទូទាំងពិភពលោកត្រូវបានបង្កើតឡើង ហើយនៅខែមករា ឆ្នាំ២០០៨ លោក Schultz បានវិលត្រឡប់មកធ្វើជានាយកប្រតិបត្តិវិញម្ដងទៀត។
លោកបានបានធ្វើការកំណែទម្រង់ថ្មី និង ត្រួតពិនិត្យការបិទហាងចំនួន ៩០០ កន្លែង និង បានអនុវត្តយុទ្ធសាស្រ្តប្រកបដោយមហិច្ឆតាដើម្បីធានាបាននូវកំណើនថ្មីដែលរួមមានការទិញសង្វាក់នំ និង អ្នកបង្កើតប្រព័ន្ធនៃការផលិតកាហ្វេ ក្នុងការក្លាយខ្លួនជាម៉ាកកាហ្វេ ដ៏ឈានមុខគេមួយភ្លាមៗ។
គាត់ក៏ត្រួតពិនិត្យការផ្លាស់ប្តូរការផ្តល់បញ្ជីប្រភេទកាហ្វេនៅតាមហាង Starbucks ផងដែរ។ ការផ្លាស់ប្តូរទាំងនេះទទួលបានជោគជ័យយ៉ាងធំធេងហើយនៅឆ្នាំ ២០១២ Starbuckបានស្ទុះងើបឡើងវិញផ្នែកហិរញ្ញវត្ថុដែលមានកំនើនគួរអោយកត់សម្គាល់។
៥ ឆ្នាំក្រោយមកលោក Schultz បានលាឈប់ពីតំណែងជានាយកប្រតិបត្តិម្តងទៀត គាត់ប៉ុន្តែគាត់នៅតែសកម្មក្នុងក្រុមហ៊ុនដោយធ្វើជាប្រធានក្រុមប្រឹក្សាភិបាលរហូតដល់ឆ្នាំ ២០១៨ ។